گه‌ریلاکانی پژاک له‌ هه‌ورامانی ته‌خت و له‌ دزڵی چالاکی تۆڵه‌کردنه‌وه‌یان ئه‌نجام دا

گه‌ریلاکانی پارتی ژیانی ئازادی کوردستان PJAK، له‌ وڵامی تۆپبارانه‌کانی چه‌ند مانگه‌ی ڕژیمی ئێران که‌ گیان له ‌ده‌ستدانی کۆرپه‌یه‌کی 18 مانگه‌ی له‌ گوندی مارادوو لێ که‌وتبۆوه‌، چالاکیان ئه‌نجام دا. به‌پیی لێدوانیکی فه‌رمی PJAK چالاکییه‌که‌ له‌ هه‌رێمه‌کانی مه‌ریوان به‌رێوه‌ چوو و له‌ ئاکامی دا 7 پاسداری ڕژیم کوژران و هه‌ژماریکی زۆریش بریندار بوون.

دوابه‌دوای سه‌ردانه‌که‌ی مه‌نوچه‌هیر موته‌کی، وه‌زیری ده‌ره‌وه‌ی ڕژیمی ئیران بۆ شاری هه‌ولێری باشوری کوردستان و دیداره‌کانی له‌گه‌ڵ ده‌سه‌ڵاتداری هه‌رێم، به‌شێوه‌یه‌کی فه‌رمی ڕاگه‌یه‌ندرا که‌ ڕژیمی ئێران ده‌ستبه‌رداری تۆپبارانکردنی گونده‌کانی بناری قه‌ندیل ده‌بێت. له‌سه‌ر ئه‌و بڕیاره‌ش گوندنیشینانی بناری قه‌ندیل که‌ بۆ پاراستنی گیانیان، به ‌شێوه‌یه‌کی کاتی له‌ چیا و دۆڵه‌کانی ده‌وره‌به‌ری گونده‌کانیان ده‌مانه‌وه‌، جارێکی تر ڕویان له‌ گونده‌کانیان کرده‌وه‌ و ده‌ستیان به‌ ژیانی ئاسیی خۆیان کرد.


به‌ڵام ته‌نها دوای چه‌ند ڕۆژێک، ڕژیم ده‌ستی به‌ تۆپبارانه‌کانی کرده‌وه‌ و له‌ ئاکامدا له‌ گوندی ره‌زگی، تۆپێک ماڵێک ده‌پێکێت و کۆرپه‌یه‌کی 18 مانگه‌ به‌ناوی مه‌حه‌مه‌د گیانی له‌ده‌ستدا و دایک و باوکی بریندار بوون.


دوابه‌دوای ئه‌و هێرشه‌ و گیان له ‌ده‌ستدانی ئه‌و منداڵه‌، هێزه‌کانی ڕۆژهه‌ڵاتی کوردستان HRK، لێدوانێکی دا و رێکه‌وتنه‌کانی کۆماری ئیسلامی ئێران و حکومه‌تی هه‌رێمی به‌بیر هێنابۆوه‌ و ئاماژه‌ی به‌ ڕاگرتنی تۆپبارانه‌کان کردبوو. به‌لێنێکی له‌و شێوه‌یه‌شی دابوو:
ئێمه ‌وه‌ک هێزه‌کانی رۆژهه‌ڵاتی کوردستان HRK به ‌هه‌موو لایه‌کی ڕاده‌گه‌یه‌نین که‌ پێویسته‌ باش بزانن که‌ ‌گه‌لی کورد بێ خاوه‌ن نییه‌ و ئه‌وان هێرشه‌کانی ڕژیمی ئێران بێ ولام ناهێڵنه‌وه‌.

له‌و چوارچێوه‌یه‌دا گه‌ریلاکانی پارتی ژیانی ئازادی کوردستان PJAK، چالاکییه‌کی تۆڵه‌کردنه‌وه‌یان ئه‌نجام دا.
چالاکییه‌که‌ پێرێ، هه‌ژده‌ی مانگ،له‌ شارۆچکه‌ی دزڵی سه‌ر به‌شاری مه‌ریوان پیکهات.

گه‌ریلاکانی هێزی رۆژهه‌ڵاتی کوردستان HRK، کاتژمێر دوازده‌ و نیوی شه‌و به‌ کاتی ڕۆژهه‌ڵاتی کوردستان، هه‌ڵیانکوتایه ‌سه‌ر پایه‌گای وه‌یسێ.
له‌ ئه‌نجامی ئه‌م چالاکییه‌دا 7 پاسدار کوژراون و هه‌ژمارێکی زۆریش بریندار بوون.

دوابه‌دوای ئه‌و چالاکییه‌ هێزه‌کانی ڕژیم پایه‌گایه‌که‌ چۆڵ ده‌که‌ن و برینداره‌کانیان ده‌گوازنه‌وه‌.
گه‌ریلاکانی PJAK، ده‌ستیان به‌سه‌ر چه‌ندی پارچه‌ چه‌کدا گرت و له‌ هه‌ریمه‌که‌ دورکه‌وتنه‌وه‌.

هاوکات ڕژیم له‌ هه‌رێمه‌کانی شاهۆ ده‌ستی به‌ ئاماده‌کاری ئۆپراسیۆنیکی به‌رفراوان کردبوو. گه‌ریلاکانی PJAK بۆ پشگرتن له‌و ئۆپراسیۆنه‌ له‌ ناوچه‌کانی هه‌ورامان، چالاکیان ئه‌نجام دا. له‌و چالاکییه‌دا 10 پاسداری رژیم کوژران و هه‌شتی تریش بریندار بوون.

ناوه‌ندی ڕاگه‌یاندن و چاپه‌مه‌نی پارتی ژیانی ئازادی کوردستان له‌ لێدوانێکدا ڕاده‌گه‌یه‌نێت که‌ چه‌کدارانی ڕژیم له‌ هه‌رێمه‌کانی هه‌ورامان له ‌دژی گه‌ریلاکانی ئه‌وان ئۆپراسێۆنیکیان ده‌ستپیکردبوو.

دوێنێ 19.04.2009 له‌ کاتێکدا ئۆپراسیۆنه‌که‌ هه‌ورامانی ته‌خت ده‌گریته‌وه‌، بۆ پیشگرتن له‌ به‌رفراوان بوونی، گه‌ریلاکانی PJAK چالاکییه‌کیان ئه‌نجام دا. به‌پێی لێدوانه‌که‌، گه‌ریلاکانی PJAK له‌ دوو خێوه‌تی پاسداران ده‌ده‌ن و له‌ ئاکامدا 10 پاسدار کوژران و هه‌شتی تریش به‌گرانی بریندار بوون.

دوابه‌دوای چالاکییه‌که‌، سێ ئامبوڵانی ڕژیم، برینداره‌کان ده‌گوازنه. ئۆپراسیۆنه‌که‌ به‌ته‌واوه‌تی له‌ لایه‌ن گه‌ریلاکانه‌وه‌ تیکده‌شکێندرێ و چه‌کدارانی ڕژیم مه‌جبور به‌ پاشه‌کشه‌ ده‌که‌ن.

له‌و چالاکییه‌دا کۆمه‌ڵێک چه‌ک و ته‌قه‌مه‌نی ده‌که‌وێته‌ ده‌ست گه‌ریلاکانی پژاک.

PJAK له‌ کۆتایدا ده‌رباره‌ی چالاکییه‌که‌ی سه‌ر پایه‌گای وه‌یسێ و چالاکییه‌که‌ی هه‌ورامانی ته‌خت ڕاده‌گه‌یه‌نێت که‌ له‌و دوو چالاکییه‌دا به‌ گشتی 17 پاسدار کوژراون و هه‌ژماریکی زۆریش بریندار بوون..